Թրոլլինգը վիրտուալ տարածքում կոշտ և պրովոկացիոն հաղորդագրությունների միտումնավոր տարածումն է, ցանցային շփման ժամանակ դրսևորվող սոցիալական սադրանքը կամ ծաղրը:
Այն գործածվում է ինչպես անձնավորված մասնակիցների կողմից, ովքեր շահագրգռված են, որպեսզի ունենան լայն, հրապարակային, սկանդալային ճանաչում, այնպես էլ անանուն օգտատերերի կողմից, որոնց ինքնությունը պարզել հնարավոր չէ:
«Թրոլլինգը» վիրտուալ համայնքի ժարգոնային տերմիններից է: Բառացի թարգմանած (անգլ. trolling) նշանակում է «հատուկ խայծով ձուկ բռնել»:
Ընդհանուր առմամբ, այս երևույթը բնութագրվում է որպես վիրտուալ հաղորդակցման ռեսուրսներում սադրիչ հաղորդագրությունների տեղադրում՝ նապատակ ունենալով ինտերնետ-փոխհարաբերությունների էթիկայի կոդեքսը խախտելով, ստեղծել կոնֆլիկտային իրավիճակ:
Թրոլլինգի իրականացման հիմնական տարածքներն են տարբեր վիրտուալ թեմատիկ ֆորումները, կոնֆերանսները, սոցիալական ցանցերը, պորտալները, զրուցարանները և լրատվական կայքերը:
Թրոլլը փորձում է ներկայանալ որպես տիպիկ օգտատեր, ով կիսում է խմբի ընդհանուր հետաքրքրությունները և խնդիրները: Նա կարող է տարբեր ձևերով էական վնաս հասցնել շփմանը. ձախողել քննարկումը, վնասակար խորհուրդ կամ դեստրուկտիվ գաղափար տարածել, քայքայել խմբի փոխադարձ վստահությունը:
Թրոլլինգը, որպես սոցիալական ագրեսիայի ձև, ունի իր առանձնահատկությունները: Նախ, այն կարելի է իրականացնել միայն վիրտուալ տարածքում:
Երկրորդը ագրեսիայի շատ արագ զարգացման սպեցիֆիկ մեխանիզմն է, և դրա ակնարթորեն տարածվելը վիրտուալ խմբակցության մասնակիցներից շատերի մոտ:
Երրորդը կոնֆլիկտի պոտենցիալ զոհի անկարողությունն է ֆիզիկական կամ վիզուալ կոնտակտի մեջ մտնել կոնֆլիկտը հրահրողի (թրոլլի) հետ:
Վերջին ժամանակներս թրոլլինգը լայնորեն օգտագործվում է որպես PR տեխնոլոգիա կոմերցիոն և քաղաքական ոլորտներւմ: Փորձագետները պնդում են, որ այս տեխնոլոգիայի կիրառումը հնարավորություն է տալիս ստեղծել մասսայականության և հասարակական կարծիքի կեղծ էֆեկտներ, ինֆորմացիայի աղբյուրի նկատմամաբ մեծացնել վստահությունը, ինֆորմացիան ստացող լսարանի ավելի մեծ ընդգրկվածություն ապահովել: Ընդ որում, թրոլլինգը դասվում է «կեղտոտ» տեխնոլոգիաների շարքին:
Իրենք՝ ինտերնետ-թրոլլները սկսել են ձևավորել իրենց համայնքները և կազմակերպությունները, փոխանակում են կոնֆլիկտներ հրահրելու իրենց փորձը:
© 2024 iverh.com · Հեղինակային իրավունքը պաշտպանված է: Արգելվում է առանց թույլտվության արտատպել կայքի նյութերը: