Ի՞նչ է ուզում
իմ երեխան

Երեխայի խնդրային վարքի հիմքում նրա նյարդակենսաբանական առանձնահատկություններն են: Կլինիկական հոգեբան Մոնա Դելահուկ:

Հիմնվելով   նյարդային   համակարգի  և   վարքի   փոխադարձ   կապի վերաբերյալ նեյրոհոգեբանության  վերջին   հետազոտությունների   արդյունքների  վրա,   կլինիկական  հոգեբան  Մոնա Դելահուկն իր՝   «Ի՞նչ է ուզում իմ երեխան» գրքում պատմում է երեխայի խնդրային վարքի, այդ վարքի հիմքում ընկած իրական պատճառների ու դրանք հաղթահարելու հարցում ծնողի անելիքների մասին:

Այլ կերպ ասած, «վերևից ներքև» մոտեցման փոխարեն, ինչը ենթադրում է, որ ուղեղն է կառավարում երեխայի վարքը, հեղինակն առաջ է քաշում  «ներքևից վերև» մոտեցումը, որի հիմքում նյարդային համակարգի առանձնահատկություններն ու դրա առաջնային դերն է:

Գրքում,   հիմնվելով  ոչ  միայն  նեյրոհոգեբանության  վերջին  նվաճումների,  այլև  սեփական մասնագիտական փորձի վրա, հեղինակը ներկայացնում է մի շարք խնդիրների մեկնաբանություններ և բացատրություններ, ինչպիսիք են օրինակ.

• ինչպե՛ս հասկանալ երեխայի լացի, վախի, անհանգստության իրական պատճառները,
• ինչպե՞ս սովորեցնել փոքրիկին քնել ամբողջ գիշեր,
• ճանաչել երեխայի հույզերը, զգացմունքները, զգայական փորձը,
• արդյո՞ք ամեն անգամ պետք է օգնել երեխաին, եթե նա խնդրում է,
• ինչպե՞ս զարգացնել երեխայի ինքնակարգավորումը և այլն:

Հեղինակի հստակ խորհուրդներն օգնում են հատուկ մոտեցում գտնել ամեն երեխայի համար, քայլ առ քայլ ամուր և ներդաշնակ հարաբերություններ կառուցել նրա հետ:

Գիրքն օգնում է ծնողին հոգ տանել նաև իր մասին, ֆիզիոլոգիական մակարդակում ստեղծել հանգստության և ապահովության զգացում:

«Ի՞նչ է ուզում իմ երեխան» գիրքը ծնողների, նեյրոհոգեբանությամբ հետաքրքրվողների, հոգեբանների, ուսուցիչների և դաստիարակների համար է:

Կարդացեք գրքի 1-ին գլուխն ամբողջությամբ..

«Как разобраться в физиологии вашего ребенка и почему это важно? » (pdf)