Երեխայի էմոցիոնալ
ինտելեկտը.
ձեռնարկ ծնողների համար

«Երեխայի էմոցիոնալ ինտելեկտը»  գիրքն ուղեցույց  է այն ծնողների համար, որոնք ուզում են ավելի մոտ լինել իրենց երեխաներին և սովորեցնել նրանց կարգավորել իրենց հույզերը:

Ընտանեկան հոգեբանության ոլորտի հայտնի հոգեբան Ջոն Գոտմանն իր գրքում պատկերավոր ներկայացնում է, թե ինչպես հաճախ վարքի այն ստերեոտիպերը, որոնք ծնողը սովորաբար համարում է «ճիշտ», չեն նպաստում երեխայի էմոցիոնալ ինտելեկտի զարգացմանը:

Գիրքն օգնում է ծնողին անդրադառնալ տարբեր էմոցիոնալ իրավիճակներում երեխային արձագանքելու իր ձևերին, վերլուծել և, անհրաժեշտության դեպքում, փոխել դրանք.

• ավելի շատ ուշադրություն դարձնել երեխայի հույզերին,
• երեխայի էմոցիոնալ դրսևորումն օգտագործել որպես հնարավորություն նրան սովորեցնելու, նրա           հետ մտերմանալու համար,
• ապրումակցել երեխային, ավելի լավ հասկանալ նրա տրամադրությունը,
• երեխայի հույզերը  քննարկել նրան հասկանալի լեզվով,
• օգնել երեխային հաղթահարել դժվար իրավիճակներն ու խնդիրները:

Մեջբերումներ «Երեխայի էմոցիոնալ ինտելեկտը» գրքից

Դաստիարակության գաղտնիքները

Պարզվում է, դաստիարակության գաղտնիքը նրանում է, թե ինչպես են էմոցիոնալ պահերին ծնողները շփվում իրենց երեխաների հետ: Ցավոք, հաճախ է պատահում, որ սիրող և հոգատար ծնողը  երեխայի հույզերին՝ վախին, բարկությանը, տխրությանն ունեցած վերաբերմունքով խանգարում է իր և երեխայի ճիշտ հաղորդակցմանը:

Ծնողների երեք կերպար

Առանձնացրել եմ ծնողների երեք կերպար, որոնք չեն կարողանում զարգացնել իրենց երեխայի էմոցիոնալ ինտելեկտը,

• ժխտողներ (նշանակություն չեն տալիս երեխայի բացասական հույզերին),
• հավանություն չտվողներ (քննադատում են երեխային բացասական հույզեր դրսևորելիս),
• չմիջամտողներ:

Կոնֆլիկտներ ընտանիքում

Որպեսզի պաշտպանեք երեխային ամուսնական կոնֆլիկտների բացասական ազդեցությունից, պետք է նրանց համար մնաք հուզականորեն հասանելի: Դրա համար պետք է ուշադիր լինեք երեխայի մոտ էմոցիոնալ արձագանք առաջացնող առօրյա իրադարձություններին, տեղեկանաք նրա ամենօրյա կյանքին:

Լքված լինելու վախ

Բնական է, որ երեխաները հափշտակված լսում են վախին առնչվող տարբեր հեքիաթներ: Դրանցում նախադպրոցական տարիքի երեխաներից  շատերին բնորոշ վախն է: Վախ, որ մի օր կարող է իրեն լքեն:

—————————————————————

Աղբյուր. «Երեխայի էմոցիոնալ ինտելեկտը»

Ի՞նչ մանկապարտեզ ընտրել: Ուղեցույց ծնողի համար