Ինչպե՞ս պահպանել
ամուսնական
սերը

John Gottman-ի «Ինչպես պահպանել ամուսնական սերը» գիրքը գրված է նրանց համար, ովքեր նոր են պատրաստվում ամուսնանալ, և ովքեր ամուսնացած են տասնամյակներ: Այս իմաստուն գրքում նշանավոր հոգեբանն ու ընտանեկան խորհրդատուն բացում է սիրո գաղտնիքները: Որտեղի՞ց է առաջանում սերը, ու՞ր է անհետանում այն: Ինչու՞ որոշները շարունակում են սիրել, երբ այլևս հարաբերություններ չկան:

Գոթմանը տասնամյակներ շարունակ ուսումնասիրել է, թե ինչպես են իրար հետ խոսում և ֆիզիոլոգիապես իրար հարմարվում ամուսնական զույգերը: Իր հետազոտությունների շնորհիվ այժմ նա կարող է պատասխանել ամուսնական սիրուն վերաբերող ցանկացած հարցի: Բարդ գիտական գաղափարները Գոթմանը վերածել է գործնական խորհուրդների, թե ինչպես ամուսնական զույգը կարող է պահպանել և վերականգնել մեծագույն պարգևը՝ սերը:

Ջոն Գոթման  (John Gottman), ծնվել է 1946 թ., երկար ժամանակ եղել է Սիեթլի Վաշինգտոնյան համալսարանի հոգեբանության պրոֆեսոր, հոգեթերապևտ է, ընտանեկան հոգեբան «The Gottman Institute» ընկերության հիմնադիրը:                                      Համաշխարհային ճանաչում է ստացել SPAFF կոդային համակարգի ստեղծման համար, որը թույլ է տալիս 95% ճշգրտությամբ որոշել հաջորդ 15 տարիների ընթացքում ամուսնության պահպանման հավանականությունը:                                                                                          1986 թ. բացել է սերն ուսումնասիրող նմանը չունեցող լաբորատորիա: Ուսումնասիրելով զույգերի միմիկան, խոսքի դարձվածքները, ինտոնացիան, ժեստերը, պրոֆեսորը մեծ ճշգրտությամբ որոշում է ընտանեկան հարաբերությունների զարգացման հեռանկարայնությունը:

Մի քանի մեջբերում  «Ինչպես պահպանել ամուսնական սերը» գրքից

∴∴∴

Մարդիկ, ովքեր իսկապես մտերիմ են, պահանջ են զգում կիսվել իրար հետ նրանով, ինչն իրենք համարում են համատեղ կյանքի նպատակն ու իմաստը: Երբ ամուսինները, միտումնավոր կամ ոչ, խուսափում են լուրջ թեմաներ քննարկել, միմյանց նկատմամբ նրանց կրած պատասխանատվությունը մնում է մակերեսային: Որպեսզի դա կանխվի, ամուսինները պետք է անպայման ժամանակ հատկացնեն իրենց կյանքի նպատակները և մտադրություններն իրար հետ քննարկելուն՝ առանց սպասելու դրա համար հարմար պահի:

∴∴∴

Դավաճանությունը կարող է վտանգի ազդանշան լինել, որը ցույց է տալիս իրար նկատմամբ ուշադրության պակասը, ինչն էլ բերում է նրան, որ պարտնյորներից առնվազն մեկն իրեն միայնակ և ավելորդ է զգում:

∴∴∴

Վատ հարաբերություններն առողջության համար քայքայիչ են, բայց վիճակագրությունն ասում է, որ մշտական միայնակությունն ավելի վտանգավոր է:

∴∴∴

Եթե պարտնյորի հետ հարաբերություններում ձեզ ինչ-որ բան դուր չի գալիս, բոլոր հնարավոր միջոցներով դա նրան հասկացնել տվեք: Իհարկե, ավելի լավ է ամեն ինչ տակտով անել, մտքերն արտահայտել բարյացկամորեն, այլ ոչ թե դրանց ուղիղ քննադատության ձև տալ, ինչը կարող է ընկալվել որպես հարձակում:

∴∴∴

Յուրաքանչյուրն ունի սթրեսակայունության իր անհատական աստիճանը և գերագնահատում է այն այնքան ժամանակ, քանի դեռ չի հայտնվում սահմանին կամ ամբողջությամբ չի ընկնում ապատիայի մեջ:

∴∴∴

Բնօրինակը