401      0

Նյարդային
խանգարման 7 նշան

Հոգեթերապևտ Erin Engle-ը նյարդային խանգարման մի շարք սիմպտոմների, խնդիրները հաղթահարելու սեփական միջոցները գտնելու մասին:

Erin Engle – Կոլումբիայի համալսարանի բժշկական կենտրոնի հոգեբան, հոգեթերապևտ:

Ժամանակակից բժշկությունը նյարդային խանգարումը չի համարում հոգեկան հիվանդություն: Բայց սա չի նշանակում, որ դրան պետք չէ լուրջ վերաբերվել: Խոսքն այնպիսի իրավիճակի մասին է, երբ մարդը չի կարողանում նորմալ ձևով ապրել և գործել սթրեսի ծայրահեղ բարձր մակարդակի պատճառով:

Սթրեսի աղբյուրները կարող են տարբեր լինել. հարաբերությունների խզում, ֆինանսական խնդիրներ, անձնական վիշտ, հոգեկան հյուծվածություն: Յուրաքանչյուրիս օրգանիզմը և հոգեկանը սթրեսին արձագանքում են յուրովի: Ծանոթացեք նյարդային խանգարման մի շարք սիմպտոմներին.

1. Տագնապ և դեպրեսիա

Տագնապի և դեպրեսիայի սիմպտոմները սովորական պատասխան ռեակցիաներ են սթրեսին: Խնդիրներն առաջանում են սթրեսի երկարատև, անընդմեջ ազդեցության դեպքում, երբ այն հաղթահարելու համար մարդու ռեսուրսներն այլևս չեն բավականացնում: Դա կարող է արտահայտվել, օրինակ, անկառավարելի լացի նոպաներով:

Լինելով նյարդային խանգարման եզրին, շատերը կորցնում են վստահությունն ու հավատն իրենց նկատմամբ, տառապում են մեղքի զգացումից:

2. Շատ քնելը կամ քնի պակասը

Անհանգստանալու առիթ է նաև քնի ռեժիմի փոփոխվելը: Որոշ մարդիկ սկսում են քնել սովորականից երկար, որովհետև քունը նրանց համար դառնում է սթրեսից փախչելու միջոց: Մյուսների մոտ ուղեղի մշտական լարվածությունից սկսում է անքնություն:

3. Հոգնածություն

Մշտական ուժեղ հոգնածությունը և մարմնի թուլության զգացումը ևս մեկ նշան է, որ ձեր օրգանիզմն այլևս ուժ չունի հաղթահարել սթրեսը: Այն, ինչը նախկինում հեշտ էր տրվում, այժմ պահանջում է ուժերի մեծ լարում: Ինչը նախկինում ուրախացնում էր, այլևս բավականություն չի պատճառում: Դա վերաբերում է նաև սեքսին, սթրեսը հաճախ բացասական է անդրադառնում լիբիդոյի վրա:

4. Ախորժակի խանգարում

Սթրեսային իրավիճակներում որոշ մարդիկ կորցնում են ախորժակը, իսկ մյուսներն, ընդհակառակը, սկսում են «խժռել» սթրեսը: Սթրեսի հորմոն կարտիզոլը կարող է առաջացնել մեծ հակվածություն ճարպոտ և քաղցր սննդի նկատմամբ:

Բացի այդ, նյարդային խագարման վիճակում գտնվող մարդը դժվարանում է ստիպել իրեն հոգ տանել իր առողջության, մտածել դիետայի և առողջ սնվելու մասին:

5. Ֆիզիկական ցավ

Այս հարցում հաճախ խոսքը գլխացավի և փորացավի մասին է: Մասնավորապես, սթրեսն առաջացնում է մարսողության խանգարումներ:

6. «Ուղեը մթագնած է»

Մտածողության հետ կապված խնդիրնեը դրսևորվում են տարբեր կերպ. ավելի վատ ենք գլուխ հանում կենսական և աշխատանքային խնդիրներից, դառնում ենք անվճռական, մոլորված, մոռացկոտ:

7. Շնչառության դժվարություններ

Հատուկ ուշադրություն դարձրեք տագնապայնության դասական սիմպտոմների դրսևորմանը. կրծքավանդակի Ճնշվածությունը և շնչառության հաճախացում: Հաճախակի, ոչ խորը շնչառությունը միայն ավելի է խորացնում մեր օրգանիզմի սթրեսային ռեակցիան:

Փորձեք մի քանի րոպե գիտակցված ավելի դանդաղ շնչել (մոտ հինգ շնչում-արտաշնչում մեկ րոպեի ընթացքում), դա պետք է որ թեթևացնի վիճակը: Եթե շնչառության հետ կապված խնդիրները երկար են շարունակվում, կարևոր է հասկանալ սթրեսի առաջացման իրական պատճառները և լուծել այդ խնդիրը:

Ձեզ մոտ նյարդային խանգարում է: Ի՞նչ անել:

Ձեր մասին հոգ տանելը պետք է դառնա առաջնային: Սթրեսի դեմ պայքարելու առողջ և անձամբ ձեզ համապատասխանող միջոցներ գտեք: Դրանք կարող են լինել, օրինակ, սպորտով զբաղվելը, սիրելի հոբբին: Իրավիճակը քննարկեք այն հարազատների կամ ընկերների հետ, ում լիովին վստահում եք: Ավելի ծանր դեպքերում առանց հապաղելու դիմեք հոգեբանի կամ հոգեթերապևտի օգնությանը:

  Метки:

Ձեր մեկնաբանությունը

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

© 2019 iverh.com · Հեղինակային իրավունքը պաշտպանված է: Արգելվում է առանց թույլտվության արտատպել կայքի նյութերը: