Երեխաների համակեցության
պարզ կանոնները

Հայտնի հրապարակախոս, լրագրող, մանկավարժ Սիմոն Սոլովեյչիկն իր՝ «Մանկավարժություն բոլորի համար» հայտնի գրքում անդրադառնում է ծնողների կողմից հաճախ տրվող հարցերից մեկին. «Ինչպե՞ս երեխային նախապատրաստել դպրոցին»: Մանկավարժներն ու հոգեբաններն ունեն իրենց պատասխանները, որոնք, հեղինակի կարծիքով, հիմնականում վերաբերում են դասերին, սովորելուն և ուսուցիչներին:

Բայց դպրոցը նաև դասարանն է, ընկերները, այլ երեխաները: Հեղինակը գտնում է, որ պետք է փոքրիկին նախապատրաստել հասակակիցների հետ ինքնուրույն կյանքի, փորձել սովորեցնել նրան մանկական համակեցության հետևյալ պարզ կանոնները.

• Ուրիշինը մի խլիր, բայց քո ունեցածն էլ ամբողջությամբ մի տուր:
• Խնդրում են՝ տուր, փորձում են խլել՝ աշխատիր պաշտպանվել:
• Մի՛ կռվիր, եթե չեն նեղացնում:
• Մի՛ վիրավորվիր առանց պատճառի:
• Ինքդ ոչ մեկին մի հրահրիր:
• Կանչում են խաղալու՝ գնա, չեն կանչում՝ խնդրիր, դա ամոթ չէ:
• Մի՛ բարկացրու, մի՛ նվնվա, աղաչանք-պաղատանքով որևէ բան մի ուզիր: Երբեք որևէ բանի համար երկու անգամ մի խնդրիր:
• Գնահատականների համար լաց մի լինիր, հպարտ եղիր: Ուսուցչի հետ գնահատականի համար մի վիճիր և նրանից գնահատականի համար մի նեղացիր: Դասերդ սովորիր, իսկ ինչ գնահատական կստանաս, կարևոր չէ:
• Ընկերներիդ ետևից մի չարախոսիր ու բամբասիր:
• Փնթի մի՛ եղիր, երեխաները փնթիներին չեն սիրում: Խիստ մաքրասեր էլ մի եղիր, երեխաները նրանց նույնպես չեն սիրում:.
• Հաճախ ասա. «արի՛ ընկերություն անենք, արի՛ խաղանք, արի՛ միասին տուն գնանք»:
• Քեզ մի՛ ցուցադրիր: Դու մյուսներից ոչ լավն ես, ոչ էլ վատը, դու իմ սիրելին ես: Գնա դպրոց, և թող դա քեզ ուրախություն պատճառի, իսկ ես կսպասեմ քեզ ու կմտածեմ քո մասին: Ճանապարհը զգույշ անցիր, մի՛ շտապիր:

Սիմոն Սոլովեյչիկ (Симон Львович Соловейчик) — (01.10.1930-18.10.1996)- սովետական և ռուս հրապարակախոս, լրագրող, մանկավարժ, փիլիսոփա: Նրա հոդվածներն ու գրքերը նվիրված են մանկավարժությանը, հումանիզմին և բարոյականությանը: 1992 թ. ստեղծել է «Первое сентября» թերթը: «Педагогика для всех» նշանավոր գրքի հեղինակն է, որտեղ երկայացված են մանկավարժության վերաբերյալ նրա հայացքները:

Նյութը պատրաստվել է ըստ Սիմոն Սոլովեյչիկի  «Մանկավարժություն բոլորի համար» գրքի:

Ինչպե՞ս են գործերդ դպրոցում: